Punonjësit e Ndërmarrjes së Pastrim-Gjelbërimit në Gjirokastër kanë dalë në protest mëngjesin e kësaj të premte para bashkisë së qytetit.
Ata janë shprehur se u është premtuar rritje page, gjë e cila nuk ka ndodhur. Punonjësit thonë se nuk kthehen në punë pa marrë pagesat shtesë për punën e kryer, rritjen e pagës si dhe shpërblimet nga bashkia. Përgjatë gjithë vitit janë shprehur ata, nuk kanë marrë asnjë ditë pushimi, e kjo nuk i është reflektuar në pagesat e tyre mujore. kjo situatë ka bërë që të dalin në protest këtë të premte dhe bojkotim të punës deri në momentin e marrjes së pagave.
Nga ana tjetër, kryebashkiaku i Gjirokastrës Flamur Golemi, është shprehur se do të kryejë një takim me punonjësit për t’i dhënë zgjidhje problemit të shtruar prej tyre. Ndërkohë, punonjesit e kesaj drejtorie kanë thënë se nëse nuk do të përmbushen kërkesat e tyre do të kalojnë në bojkot total të punës.
Discussion about this post