Ditën e djeshme në median rozë qarkulluan lajme mbi punën që bënte ish-partnerja e Stresit, Keisi. U përfol se ajo punonte si kameriere në një klub nate në Kanada. Keisi ka zgjedhur të reagojë vetë për këto zëra, përmes disa postimeve në “Instastory”.
Ish-partnerja e Stresit ka theksuar se ka punuar që në moshën 18-vjeçare dhe nuk e ka mohuar punën që bën. Po ashtu ajo ka folur edhe për Stresin. Keisi tha se për reperin do të ruaj përjetësisht një respekt shumë të madh.
“Pas një periudhe shumë të gjatë larg Shqipërisë, vazhdojnë portale dhe shkrime… normalisht nuk do komentoja sepse unë se kam konsideruar kurrë veten VIP e jo më tani që jam totalisht e shkëputur, por këtë herë do flas. Unë kam punuar që 18 vjeç. Në asnjë moment nuk e kam mohuar punën apo të kem ndjerë turp. Punoj 5 ditët e javës në bankë, dhe pasi mbaroj aty punoj dhe në lounge. Kam qenë vetë ajo që kam postuar, nuk më keni kapur gjë mat apo në turp. Jam shumë krenare madje sepse nuk jam shtir kurrë të jetoj një jetë ndryshe nga kjo që jetoj.
Punoj shumë dhe shijoj lekun tim, qoftë në marka, pushime apo veshje e çdo gjë tjetër. Haptazi e kam treguar vendin e punës. Vijnë shumë shqiptar dhe më takojnë dhe flas me to si një njeri normal. Madje për shqiptarët në Toronto jeni të mirëpritur. Jap gjithë këtë shpjegim sepse është turp ta konsideroni punën ulje dhe më vjen gjynah sepse i bie nëse një femër në Shqipëri punon, ju do e ulni, epo atëherë çfarë zgjidhje ju i jepni femrës? Përtej kësaj dua ta bëj dhe shumë të qartë që unë dhe Arkimedi do ruajmë përjetësisht një respekt shumë të madh për njëri-tjetrin. Gjithmonë më ka mbështetur dhe do e mbështes. Lërini llafet e më lini rehat se jam në anën tjetër të botës dhe merreni kot me budalliqe”, shkruan Keisi në “Instastory”.
Kujtojmë që ditën e djeshme reagoi dhe Stresi ku u shpreh se: Të paktën punonte dhe ja dilte më së miri, ka lezet. Ka ekonominë e vet, gjithmonë kështu ka qenë, vajzë që s’pranonte asnjë cent nga askush. Vajzë e ndershme, e edukuar, jo po si shumica e vajzave ne Shqipëri që shkojnë me moshën e babes tim s’kanë pikë karakteri. Lum Kush ngel beqar ne Shqipëri se 80% nga mosha 17 e sipër janë degraduar”, shkruan Stresi në komentin për lajmin ku duket disi i revoltuar.
Discussion about this post