Punonjësit e portit të Shëngjinit janë ngritur ditën e sotme në protestë. Ata pretendojnë se nuk kanë marrë pagat prej 3 mujash duke shtuar se ndërmarrja ku punojnë është me vetëfinancim e se po falimenton nga keqmenaxhimi. Ata kërkojnë drejtuesve të Portit që të shpallin falimentimin në bazë të ligjit.
‘Është hera e dytë që ju kemi thirrur pasi edhe në dhjetor nuk na i kishin dhënë. Me datën 1 prill bëhen 3 muaj që nuk na kanë dhënë asnjë lekë. Nuk ka të ardhura thotë Porti nuk e di si i menaxhojnë, por kanë filluar që t’i ndajnë pagat me piketore që nuk lejohet. Duan ta shtyjnë deri pas zgjedhjeve e pas zgjedhjeve do të shpallin falimentimin dhe duan të heqin edhe sektorin e zjarrfikëseve.
Ne do ta vazhdojmë protestën dhe nëse nuk marrin masa që të na paguajnë ne do ta bllokojmë Portin. Drejtori do të marrë masa ose ta lirojë vendin e punës ose të sjelli dikë që të na japë zgjidhje.’- u shpreh një nga punonjësit.
Punonjësit paralajmërojnë bllokim të punës nëse problemi nuk merr zgjidhje.
Discussion about this post