Punonjëset e një rrobaqepsie kanë dalë në protesët mëngjesin e sotëm, pasi ankohen që nuk paguhen sa duhet. 100 punonjëse kanë bllokuar rrugën pranë rrobaqepsisë dhe ankohen se pronari i paguan vetëm 20 mijë lekë dhe këto para nuk iu dalin as për të siguruar bukën e gojës.
Ato janë shprehur se nuk e mbyllin protestën nëse nuk paguhen sipas pagës minimale që përcakton ligji, i ndryshuar së fundmi me një VKM nga qeveria. Në lidhje me këtë çështje ka dalë në një reagim ronari i rrobaqepësie Fatjon Shega, i cili hedh poshtë akuzat e protestueseve. Ai shprehet se punonjëset marrin pagesën sipas ligjit (30.000 lekë të reja) dhe kjo pagesë kalohet nëpërmjet bankës. Sipas tij arsyeja që ato protestojnë është se kërkojnë rritjen e pagës sipas ligjit të ri të Janarit ku paga minimale është 32.000 lek te reja. Ai është shprehur se do të merren masa për të respektuar ligjin ditët në vijim.
Por, edhe nëse është kështu, punonjëse kanë të drejtë të protestojnë dhe të kërkojnë llogari pse nuk u respektua deri më tani ligji, pasi paga 20 mijë lekë është shumë larg nivelit të pagës minimale sipas ligjit.
Discussion about this post