Pas kaq orësh që lajmi po bën xhiron e rrjetit ka ardhur më në fund një reagim nga Bashkia Pogradec lidhur me skandalin e mbrëmjes së kaluar, ku katër punonjës të bashkisë kanë rënë në prangat e policisë pasi vodhën ndihma të dhuruara për qytetarët. Në reagimin zyrtar thuhet se nga kontrollet e bëra sëbashku me ekspert nga Gjermania rezulton që nuk janë marrë paratë e ndihmave ekonomike, shkollore(banka) pajisje spitalore si eko, krevatë etj, të cilat po shpërndahen në institucione.
“Nisur nga një veprim i shëmtuar nga disa punonjës të Bashkisë Pogradec mbrëmjen e kaluar në lidhje me donacionet e sjella nga shoqata e motorristëve dhe kamionistëve gjermanë ju bëjmë me dije se: Ditën e sotme është bërë i gjithë komunikimi dhe verifikimi i nevojshëm me donatorët të cilët jan larguar drejt Gjermanisë pak momente më parë edhe ata vetë pas verifikimeve, kanë konstatuar se të gjitha pajisjet e sjella dhe të inventarizuara janë të pacënuara. Edhe pse nuk kemi pajisje të përvetësuara, por vetëm disa maska dhe shtroje, veprimi i kryer është i shëmtuar dhe i dënueshëm.
Duam të shpjegojmë gjithashtu se nuk kemi të bëjmë me ndihma për familjet me probleme ekonomike siç raportohet në media apo rrjete sociale, por me pajisje shkollore(banka) pajisje spitalore si eko, krevatë etj, të cilat po shpërndahen në insitucione sipas dakordësisë që është arritur me donatorët”, thuhet në deklaratë. Ndërsa katër autorët janë identifikuar si si Reshit Fraholli, 58 vjeç; Raif Muçka, 58 vjeç; Bektash Xhudellari 35 vjeç; Marsel Muçllari, 35 vjeç.
Discussion about this post