Pamje të rënda/ Punonjësja rreh të moshuarën në Shtëpinë e Pleqve në Pejë

Një rast i rëndë dhune fizike ka ndodhur në një nga shtëpitë e të moshuarve në Kosovë. Nga pamjet që qarkullojnë në mediat kosovare, raportohet që ngjarja e rëndë ka ndodhur diku në Pejë.

Aty shihet se si një nga punonjëset sulmon një grua të moshuar, duke e goditur me shuplaka dhe shqelma. Sulmuesja vazhdimisht qesh ndërsa rreh të moshuarën, e cila përpiqet të mbrohet nga dhuna.

Sipas lajmeve që qarkullojnë në media, ngjarja ka ndodhur këtyre ditëve, ndërsa punonjësja është arrestuar.