Dy ditë pasi emisioni Fiks Farë dënoncoi skandalin se përgjegjësi në Doganën e Vlorës Renato Bega, punonte online nga Italia, ka reaguar Drejtoria e Përgjithshme e Doganave. DPD e drejtuar nga Gent Gazheli, bën me dije se ka nisur ecurinë disiplinore për Kryetarin e Degës Vlorë, Artan Bedini dhe pezullimin nga shërbimi civil të Përgjegjësit të turnit në Degën e Doganës Vlorë, Renato Bega.
Ky i fundit edhe pse ka qenë jashtë vendit, “figuron” në dokumente në Portin e Vlorës, duke nxjerrë nga territori i doganës kamionë me mallra.
“Në përgjigje të kërkesës tuaj të datës 03.03.2025 me lëndë “Kërkesë për informacion” si dhe pas transmetimit të emisionit të mbrëmjes në Fiks Fare të po kësaj date, mbi Degën e Doganës Vlorë, Ju informojmë: Pas transmetimit në emisionin tuaj investigativ të mbrëmjes të datës 03.03.2025, menjëherë brenda ditës së sotme 04.03.2025 u morën masat administrave:
Fillimin e ecurisë disiplinore për Z. Artan Bedini, Kryetar i Degës Doganës Vlorë Pezullimin nga sherbimi civil të Z. Renato Bega, Përgjegjës turni në Degën e Doganës Vlorë Nisjen e hetimit administrativ mbi problematikën e trajtuar nga emisioni “Fiks Fare” për Degën e Doganës Vlorë
Drejtoria e Përgjithshme e Doganave vlerëson maksimalisht komunikimin me mediat e shkruara dhe elektronike. Duke Ju falenderuar per bashkepunimin Kordinatori per te Drejten e Informimit – DPD“, njofton Drejtoria e Përgjithshme e Doganave.
Discussion about this post