Një kërkesë e pazakontë ka ardhur sot nga këngëtari Flori Mumajesi ndaj juristet Eni Çobani. Flori në bashkëpunim me këngëtaren Anxhelina katër ditë më parë publikuan videoklipin e tyre, i cili përmban dy këngë “Anash x Doja”. Këto dy projekte muzikore janë pëlqyer nga të gjithë, madje një mbështetje të madhe kanë marrë edhe nga personazhet e njohur, të cilët i kanë postuar në rrjetet sociale.
Madje edhe juristja Eni Çobani, që ka publikuar në Instastory një foto nga “Shihemi në gjyq” dhe e ka shoqëruar me këngën “Anash”. Flori e ka ripostuar në profilin e tij, duke i shprehur edhe një kërkesë të veçantë dhe me plot humor për Enin.
“Pupupu shihemi në gjyq. Po munde Zonja Eni një seancë ndërmjetësimi me gjumin dua unë”, ka shkruar ai krahas fotos. E gjitha ka qenë në sensin e shakës, por duke marrë parasysh tematikën e atij e asaj rubrike kjo ishte kërkesa më e pazakontë që ka marrë juristja në këto vite.
Discussion about this post