Modelja Ada Deda dhe njëkohësisht vajza e ish-deputetes së PD-së, Albina Deda, nuk e ka bërë kurrë publik identitetin e të dashurit të saj me të cilin ka thënë se është shumë e dashuruar.
Mirëpo, gjatë një bisede virtuale me ndjekësit në Instastory mbrëmjen e djeshme, Ada zbuloi se është kapur “mat” nga një ndjekëse me partnerin që ka në krah.
“Të pash më 11 kur po ikje në Barcelonë, ishim në të njëjtin avion. Ju të dy ishit shumë të lezetshëm”, i shkroi ndjekësja , e cila zbuloi gjithashtu se modelja i ka kaluar një pjesë të pushimeve verore me të dashurin.
“Faleminderit!”, u përgjigj shkurtimisht modelja, duke mos dhënë asnjë detaj tjetër, por duke pranuar se ka qenë duke udhëtuar me partnerin.
Rikujtojmë gjithashtu momentin kur Ada Deda është pyetur në emisionin “BestDeal”, nëse preferon dashurinë apo paranë, ajo u përgjigj se më mirë do të ishte e varfër dhe me njeriun e zemrës.
