Pas lajmit të ndarjes nga jeta të ish-presidentit Bujar Nishani vjen dhe reagimi i parë nga qeveria. Ministrja e Shtetit për Marrëdhëniet me Parlamentin, Elisa Spiropali ka shprehur e para ngushëllimet për ndarjen nga jeta të ish-Presidentit, Bujar Nishani.
Me anë të një postimi në Facebook, ajo shkruan shkurt: “Pusho në paqe President Nishani! I lehtë dheu!”
Bujar Nishani vuante nga një sëmundje autoimune në mëlçi dhe nuk arriti t’i tejkalojë pasojat që virusi famëkeq i ka lënë në organizëm.
Fillimisht, Nishani u shtrua në Senatorium dhe pas rehabilitimit të tij fillestar, ai u rikthye në spital për shkak se simptomat post-COVID e patën lënë me shenja pneumonie në mushkëri.
Bujar Nishani ishte 55 vjeç dhe ushtroi detyrën e Presidentit të Shqipërisë nga 24 korriku i vitit 2012 deri në 24 korrik të vitit 2017. Më herët ai kishte mbajtur poste të rëndësishme në qeveri, një ndër të cilave si ministër i Brendshëm.
Discussion about this post