Ish-kryeministri Sali Berisha ka folur nga Kuvendi, duke hedhur akuza të forta drejt maxhorancës, teksa tha se Rama po shkatërron Shqipërinë, në kushtet që nuk var dot njerëz, siç varën paraardhësit e tij poetin Havzi Nela. Në kohën që Berisha fliste, kanë ndërhyrë Taulant Balla dhe Ogerta Manastirliu. Berisha iu ka kërkuar atyre të “heshtin”, e të mos ia ndërpresin fjalën.
Berisha: Po shkatërron këtë vend gjithçka që është ndërtuar me mund. Qëndrimet e tij ndaj studentëve janë të paktën shekuj mbrapa, janë kryekëput antishqiptare, jashtëzakonisht të rrezikshme antishqiptare. Ka rrënuar teatrin, simbolin e vendit, ky njeri ruan, konservon për artistët, atë qëndrim që mbanin etërit e tij ndaj tyre, i ati ishte skluptor por firmosi të varej një poet, në vitin 1988.
Ky nuk firmos dot më varje, por firmos shkatërrime teatresh, rrënime të universiteteve, pusho ti atje, pusho, kur të flas unë do pushosh, hajde këtu pastaj dhe fol sa të duash. Rritani, të lutem, mos më fol pas shpine, atë që i ke bërë kombit me Covidin, je bërë ti qofsh.
Discussion about this post