Presidenti Ilir Meta ka dënuar pushtimin e Ukrainës nga Rusia. Kreu i shtetit i bën thirrje Rusisë të tërhiqet nga veprimet ushtarake, siç thotë ai kundër integritetit territorial dhe sovranitetit të Ukrainës. Meta thekson se Shqipëria qëndron me Ukrainën dhe popullin e saj.
“Shqipëria dënon sulmin e pajustifikueshëm të Rusisë ndaj Ukrainës, duke shkelur ligjin ndërkombëtar dhe duke kërcënuar jetën e civilëve të pafajshëm. I bëjmë thirrje Rusisë të tërhiqet nga veprimet ushtarake kundër integritetit territorial dhe sovranitetit të Ukrainës! Shqipëria qëndron me Ukrainën dhe popullin e saj në këtë orë të errët,” shkruan Meta.
Më herët sot, edhe kryeministri Edi Rama dhe ministrja e Jashtme Olta Xhaçka, dënuan sulmin e Rusisë ndaj Ukrainës.
Discussion about this post