I preferuari i publikut për këtë javë, Ilir Shaqiri mori dy surpriza mbrëmjen e djeshme në “Big Brother VIP”, një letër nga vajza e tij, e cila i shkruante se jeta e tyre po shkon shumë mirë pavarësisht mungesës së madhe që po ndjejnë për të.
Gjithashtu në ambientet e shtëpisë kishte mbërritur edhe bashkëshortja e tij, e cila deklaroi se ndihej e ofenduar për faktin se Iliri ka zgjedhur të bëjë publike tradhtinë e tij.
”Kisha nevojë të lirohesha. Ishte një dhimbje që doja ta nxirrja jashtë”, tha Iliri.
Bashkëshortja e Ilirit tregoi hapur se ishte edhe pak xheloze për marrëdhënien që ai ka krijuar me Beniadën.
Balerini i njohur i estradës shqiptare dhe jo vetëm, është treguar gjithmonë i rezervuar sa i takon publikimit të jetës private, ndërsa me hyrjen në shtëpinë më të famshme ai ka shprehur në bashkëbisedim e sipër me banorët marrëdhënien e tij me familjen.
