Presidenti rus Vladimir Putin në një telefonatë me kancelarin gjerman Olaf Scholz tha se “Rusia është e hapur për dialog me palën ukrainase, si dhe me të gjithë ata që duan paqen në Ukrainë. Por me kusht që të plotësohen të gjitha kërkesat ruse“.
Putin akuzoi se në Ukrainë, “po shohim gjithnjë e më shumë mercenarë nga vendet e treta, përfshirë Shqipërinë dhe Kroacinë, militantë nga Kosova dhe madje edhe xhihadistë me përvojë të operacioneve usht0061rake në Siri”.
Presidenti rus Vladimir Putin shprehu “shpresën” se Kievi “është i arsyeshëm” në raundin e tretë të negociatave. Lajmi është bërë i ditur nga agjencia ruse e lajmeve Tass.
Presidenti Putin përsëriti se “Gjatë operacionit të saj special, ushtria ruse po merr të gjitha masat e mundshme për të shpëtuar jetën e civilëve dhe raportet për bombardimet e supozuara të Kievit dhe qyteteve të tjera të mëdha janë propagandë e rreme e madhe“.
Në datë 18 shkurt, përpara nisjes së luftës ishte shefi i diplomacisë ruse Sergei Lavrov që në një intervistë për “Russia Today” akuzoi NATO-n dhe Perëndimin se po rekruton mercenarë nga Shqipëria, Kosova e Bosnja për të luftuar në Ukrainë.
Sipas tij, në Ballkanin Perëndimor janë bërë baza krimi me terroristë e trafikantë droge që më pas marrin pjesë në konfliktet e nxitura nga SHBA. Por Shqipëria dhe Kosova hodhën poshtë deklaratat.
Discussion about this post