Putin i drejtohet ushtarëve nga Sheshi i Kuq: Jemi krenarë për ju

Udhëheqësi rus, Vladimir Putin është shprehur krenar për operacionin special ushtarak kundër Ukrainës.

Gjatë fjalës së mbajtur pas një minute heshtjeje në Sheshin e Kuq, Putini tha se: “Po ndjekim gjurmët e të parëve tanë. Ne jemi krenarë për pjesëmarrësit e operacionit special ushtarak, ata që po luftojnë në vijën e frontit dhe që po shpëtojnë të plagosurit.”

E ardhmja e shtetit dhe e popullit tonë varet nga ju, tha presidenti rus para turmës, duke shtuar se ju po luftoni për Rusinë.

Vladimir Putin vlerësoi ata që hynë në ushtri me mobilizimin dhe milicinë, FSB dhe forca të tjera.

“Ne po ju mirëpresim të gjithëve të luftoni për Rusinë, të gjithë ata që kryejnë (përfundojnë) detyrën e tyre ushtarake.

Gjatë Luftës së Madhe Patriotike, paraardhësit tanë kanë dëshmuar se nuk ka asgjë më të fortë se dashuria jonë për atdheun tonë, për Rusinë, për ushtrinë tonë, për fitoren.”

Putini tha se familjet dhe miqtë janë pas ushtarëve dhe një gjë është e sigurt, ata po ndiejnë dashurinë e tyre të pafund.

“I gjithë vendi u bashkua për të mbështetur heronjtë tanë, të gjithë duan të ndihmojnë, të gjithë luten për ju”-  tha presidenti rus.

Me përfundimin e fjalimit të Putinit, nisi himni kombëtar rus i shoqëruar më pas nga disa përshëndetje me të shtëna armësh në formë nderimi.