Pavarësisht paralajmërimeve të bëra nga vendet perëndimore dhe NATO, presidenti rus, Vladimir Putin vijon me planin e tij për votimin e referendumeve në zonat e aneksuara ukrainase.
Sot në rajonet e Ukrainës të pushtuara nga forcat ruse votohet një referendum për aneksimin e këtyre territoreve në Federatën Ruse. Kështu raportojnë mediat ruse, sipas të cilave referendumet do të zhvillohen në rajonet Donetsk, Luhansk, Kherson dhe Zaporizhzhia. Sipas autoriteteve lokale pro-ruse, pyetja e referendumit bëhet në rusisht dhe ukrainisht dhe ka të bëjë drejtpërdrejt me aderimin e territoreve përkatëse në Federatën Ruse.
“Votimet filluan në orën 08:00 në Donetsk dhe Luhanks, si dhe në rajonin Kherson dhe në territoret e çliruara të rajonit Zaporozhye”. “Referendumet” janë cilësuar si të paligjshme dhe “mashtrim” nga Ukraina dhe perëndimi,” tha agjencia e lajmeve Tass.
Zyrtarët perëndimorë dhe ekspertët kanë thënë se planet e Putinit që të përdorë këto referendume të paligjshme për të fituar kontrollin mbi tokën e pushtuar ukrainase, dhe kërcënimet se do të përdorë armë bërthamore për të mbrojtur veten, janë tentime për të frikësuar Kievin dhe përkrahësit e Perëndimit nga zgjerimi i kundërofensivës.
Discussion about this post