Presidenti rus Vladimir Putin thuri lëvdata për themeluesin e Tesla-s dhe SpaceX, Elon Musk duke e quajtur një “biznesmen të talentuar”.
Putin i bëri këto komente në Forumin Lindor në Vladivostok të Rusisë teksa foli për programin hapësinor të Rusisë.
“Elon Musk është padyshim një person i jashtëzakonshëm. Duhet pranuar. Unë mendoj se e gjithë bota e pranon këtë. Ai është një biznesmen aktiv dhe i talentuar”, tha Putin, sipas një përkthimi të Reuters.
Presidenti rus tha se Musk bën biznes me mbështetjen e shtetit amerikan.
Ai shtoi se Moska është “e gatshme të zhvillojë” mbështetje për bizneset private në vend.
Putin tha se Rusia e ka bërë tashmë këtë për programet e saj hapësinore nën agjencinë Roscosmos.
Discussion about this post