Putin mbledh shefat e sigurisë: Përpjekjet për të krijuar trazira të brendshme do të dështojnë

Teksa lufta në Ukrainë ka hyrë sot në ditën e 489-të, Vladimir Putin i është drejtuar kombit rus.

“Të gjitha përpjekjet për të krijuar trazira të brendshme do të dështojnë”, tha presidenti rus, duke shpjeguar se “të gjitha ushtria, shërbimet speciale, kanë arritur të ruajnë besnikërinë e tyre ndaj vendit të tyre, ata e kanë shpëtuar Rusinë nga shkatërrimi”.

Të martën do të mbajë një fjalim edhe presidenti i Bjellorusisë, Aleksandër Lukashenko. 

Ndërkohë Prigozhin shpjegon rebelimin e tij në një mesazh pa zbuluar vendndodhjen e tij.

“Wagner filloi marshimin drejt Moskës për të shprehur një protestë dhe jo për të rrëzuar qeverinë e vendit”.

Sipas raportimeve të mediave, drejtuesi i mercenarëve thuhet të jetë në Minsk, kryeqyteti i Bjellorusisë.