Putin në fjalimin e Vitit të Ri: Ne nuk do të tërhiqemi kurrë

Presidenti rus Vladimir Putin siguroi sot në fjalimin e tij të Vitit të Ri se vendi i tij “nuk do të tërhiqet kurrë” pasi “mbrojti fuqishëm” interesat e tij në vitin 2023, por nuk përmendi në mënyrë specifike Ukrainën.

“Ne e kemi dëshmuar shumë herë se mund të kryejmë misionet më të vështira dhe se nuk do të tërhiqemi kurrë sepse asnjë forcë nuk mund të na ndajë”, tha ai në fjalimin e tij televiziv.

❗️Vladimir Putin returned from the Kremlin with a traditional Christmas greeting

Main statement
President of the Russian Federation:

▪️Work for the common good united Russian society;

▪️He thanked the special operations soldiers, calling them heroes;

▪️ Russia has proven… pic.twitter.com/Rr3FjbQwZJ

— Peacemaker (@peacemaket71) December 31, 2023

Ndonëse Vladimir Putin nuk e trajtoi drejtpërdrejt konfliktin në Ukrainë, i cili filloi pothuajse dy vjet më parë, ai ka aluduar vazhdimisht për të, për shembull duke i nderuar ushtarët, “heronjtë tanë”.

Por ndryshe nga viti i kaluar, kur presidenti ishte shfaqur i rrethuar nga ushtarë me uniformë, këtë herë ai deklaroi se viti 2024 do të jetë viti i “familjes” dhe kishte si sfond Kremlinin.

Në vitin 2023, ne “mbrojtëm fuqishëm interesat tona kombëtare, lirinë dhe sigurinë tonë, vlerat tona”, tha ai në një fjalim të transmetuar fillimisht në Lindjen e Largët Ruse, duke pasur parasysh diferencën kohore të rajonit nga Moska.

Presidenti siguroi gjithashtu se Rusia, e cila po përjeton “një fazë historike”, do të jetë “edhe më e fortë” në vitin e ardhshëm.