Sloganet “antiPutin” kanë pushtuar botën, ku edhe Shqipëria është bërë pjesë e solidarizmit për terrorin në Ukrainë.
Qytetarët e Tiranës kanë marshuar sot drejt Ambasadës Ruse, duke bërë thirrje për paqe e jo luftë.
Disa prej tyre e kanë krahasuar agresionin rus me lider politik Vladimir Putin si Hitleri i kohëve të sotme.
Sakaq disa të tjerë janë shprehur se Ukraina e ka mbështetjen absolute të shqiptarëve, dhe se do i presin refugjatët në shtëpitë e tyre.
Po ashtu pjesë e protestës ka qenë edhe ekipi i futbollit “Nova MFC” të cilët njoftuan përmes një postimi në Instastory se do të jenë pjesë e qytetarëve për solidarizim.
“Kjo luftë mes vendeve nuk duhet të ndodhë. Demokracia mbahet me sakrifica, Ukraina është shembull”.
“Putin duhet t’i ndalë këto veprime, është e padrejtë”.
“Putin Hitleri i kohëve të sotme, jo luftë”.
“Do i presim njësoj siç pritëm vëllezërit kosovarë”.
“Ukraina duhet mbështetur në të gjitha mënyrat”.
“Shqiptarët kanë luftuar për vite me radhë nuk kemi frikë”.
“Të gjithë duhet të solidarizohen në këtë rast”.
Ushtria ruse po shkatërron çdo gjë i del përpara në Ukrainë dhe si pasojë bilanci i të vdekurve rëndohet, ndërsa banorët vrapojnë të tmerruar për të shpëtuar jetën e tyre dhe të familjarëve.
Për 4 ditë rresht po përballemi me foto e video të tmerrshme. Qytetarët ukrainas po jetojnë një makth. Brenda pak orësh ata u detyruan të largoheshin nga shtëpitë e tyre për të gjetur një strehë të sigurt dhe për t’i shpëtuar sulmit rus.
Discussion about this post