Presidenti rus Vladimir Putin ka paralajmëruar se do të lëshojë raketa të reja ushtarake me rreze të mesme veprimi në objektiva të tjera në Ukrainë, duke përfshirë kryeqytetin, Kievin.
“Kremlini aktualisht po përzgjedh objektivat për sulme të mëtejshme”, tha ai në një takim të aleancës ushtarake të udhëhequr nga Rusia, Organizatës së Traktatit të Sigurisë Kolektive në kryeqytetin e Kazakistanit, Astana.
“Këto mund të jenë ndërtesa ushtarake, kompani mbrojtëse ose qendra vendimmarrëse në Kiev”, tha Putin.
Duke folur për sulmin e javës së kaluar kundër qytetit industrial ukrainas, Dnipro me raketën e re balistike Oreshnik, ai tha:
“Ne u detyruam të kryenim testin në kushte lufte në përgjigje të sulmeve në zonat Bryansk dhe Kursk me armë perëndimore, me raketat ATACMS dhe “Storm Shadow”, tha ai duke folur për sulmin e javës së kaluar kundër qytetit industrial ukrainas, Dnipro me raketën e re balistike Oreshnik.
Putin vlerësoi sistemin rus të armëve si unik, duke thënë se fuqia e tij shkatërruese ishte e krahasueshme me atë të një bombe bërthamore.
Ai tha se Rusia ka lëshuar 100 raketa dhe 466 dronë luftarakë në Ukrainë vetëm në dy ditët e fundit, duke i përshkruar sulmet masive si një përgjigje ndaj dërgesave të armëve perëndimore në Ukrainë.
Discussion about this post