Ditën e sotme presidenti i Rusisë Vladimir Putin ka paralajmëruar se Moska do të reagojë nëse SHBA furnizon Ukrainën me raketa me rreze të gjatë veprimi.
Sipas medias shtetërore ruse, mësohet se Putin ka thënë se dorëzimi i armëve të reja në Kiev synon vetëm të zvarritë konfliktin e armatosur për një kohë të gjatë.
“Nëse ato furnizohen, ne do të nxjerrim përfundimet e duhura nga kjo dhe do të përdorim armët tona, nga të cilat kemi mjaftueshëm, për të goditur ato objekte”, deklaroi Putin duke folur mbi situatën përsa i përket furnizimit amerikan ndaj Ukrainës me sisteme të shumta raketore.
Presidenti i SHBA Joe Biden tha të martën se SHBA-ja po i ofron Ukrainës sisteme dhe municione më të avancuara raketash ndërsa lufta e saj me Rusinë po vazhdon.
Discussion about this post