Sekretari i Përgjithshëm i NATO-s Jens Stoltenberg ka mbajtur një konferencë shtypi, një ditë përpara takimit të aleancës në Bruksel. Ai deklaroi se NATO do të rrisë mbështetjen e saj për Ukrainën “në mënyrë që ata ukrainasit të mund të vazhdojnë të mbrojnë veten dhe të çlirojnë territoret nga pushtimi rus”.
“Ukraina vazhdon të bëjë fitime të rëndësishme, ndërsa Rusia po përdor gjithnjë e më shumë sulme të tmerrshme dhe pa dallim ndaj civilëve dhe infrastrukturës kritike”, tha Stoltenberg.
Më pas shtoi: “Presidenti Putin po dështon në Ukrainë.”
Gjithashtu paralajmëroi se “përpjekjet për aneksime, mobilizimi i pjesshëm dhe retorika e pamatur bërthamore” e Presidentit rus përfaqësojnë përshkallëzimin më të rëndësishëm që nga fillimi i luftës.
Discussion about this post