Në një prononcim të shkurtër për luftën në Ukrainë, presidenti i Rusisë, Vladimir Putin deklaroi se shteti i tij nuk po refuzon të negociojë se si t’i japë fund konfliktit.
“Dua të them se Rusia nuk ka refuzuar kurrë negociatat dhe tani ne nuk po refuzojmë”, deklaroi Putin, sipas medias amerikane CNN.
Ai shtoi se presidenti turk Rexhep Tajip Erdogan ngriti pyetje rreth negociatave mbi luftën gjatë takimeve mes dy krerëve të hënën.
“Siç dihet, me ndërmjetësimin e Presidentit të Turqisë, u arrit një marrëveshje, u ranë dakord për projekt-dokumentet ndërmjet delegacioneve ruse dhe ukrainase, por më pas Ukraina i dërgoi në… në skrap! Askush nuk i kthehet kësaj. Dëgjojmë për disa iniciativa të reja, por kjo nuk është diçka që është diskutuar ndonjëherë me ne. Prandaj, ne nuk pranojmë asgjë të re. Sa i përket shërbimeve të ndërmjetësimit, ne nuk i kemi refuzuar asnjëherë. Ne i jemi mirënjohës edhe Presidentit të Turqisë për përpjekjet e tij në këtë drejtim”, deklaroi lideri i Kremlinit.
Discussion about this post