Vladimir Putin ka folur në paradën e Ditës së Fitores në 9 Maj në Moskë. Presidenti rus e ka nisur duke uruar ushtrinë ruse për fitoren e Luftës së Dytë Botërore 77 vjet më parë, dhe menjëherë iu referua Ukrainës, duke thënë:
“Është e njëjta gjë tani. Ju po luftoni për njerëzit tanë në Donbas, për sigurinë e atdheut tonë. Dita e fitores është afër zemrës së secilit prej nesh. Nuk ka familje në Rusi që të mos jetë djegur nga lufta e madhe patriotike. Jemi krenarë për gjeneratën e fitimtarëve”.
Putin ka thënë në fund të vitit të kaluar se Perëndimi po përgatiste hapur një sulm në Donbas dhe Krime dhe kishte thirrje në Kiev për armë bërthamore duke krijuar “një kërcënim të papranueshëm drejt kufirit tonë”.
Ai akuzoi SHBA-në dhe “minionët e saj” për shkaktimin e një kërcënimi dhe se rreziku rritej çdo ditë.
Në një shkëputje të lehtë nga retorika e tij antiperëndimore e deritanishme, Vladimir Putin ka thënë se Rusia feston si shokë të nderuar ata nga ushtritë aleate, duke përfshirë anglezët, francezët dhe amerikanët që luftuan përkrah Bashkimit Sovjetik në Luftën e Dytë Botërore duke mos hedhur poshtë kontributin e një pjesë të Perëndimit e cila luftoi çizmen naziste.
Ai më pas vazhdoi duke thënë se po iu drejtohej forcave të armatosura të Rusisë dhe “milicive të Donbasit”, duke thënë se ata po luftojnë në tokën e tyre për të mbrojtur Rusinë.
Askush nuk do t’i harrojë mësimet e Luftës së Dytë Botërore, në mënyrë që të mos ketë vend në botë për ndëshkuesit dhe nazistët.
Parada e Ditës së Fitores në Moskë sapo ka mbajtur një minutë heshtje. Putin ka thënë më pas se humbjet ndaj forcave ushtarake të Rusisë janë “një tragjedi për të gjithë ne”, por “një humbje e pazëvendësueshme për familjet e tyre”.
Ai u uroi shërim të shpejtë ushtarëve dhe oficerëve të plagosur dhe tha se sot ka nënshkruar një urdhër ekzekutiv për të ofruar “mbështetje vendimtare” për “fëmijët e bashkëluftëtarëve të rënë”.
Discussion about this post