Presidenti rus Vladimir Putin shprehu të dielën shpresën për një miratim të shpejtë të vaksinës së koronavirusit ‘Sputnik V’ nga Organizata Botërore e Shëndetësisë. Putin tha se marrja e verifikimit të OBSH-së është e nevojshme për të përhapur vaksinën ruse më gjerësisht në të gjithë botën, duke përfshirë furnizimet falas. Udhëheqësi rus argumentoi gjithashtu se miratimi i OBSH-së duhet të hapë derën për rusët dhe të tjerët që kanë bërë vaksinën ‘Sputnik V’ për të udhëtuar më lirshëm nëpër botë.
Putini u vaksinua me ‘Sputnik V’ në pranverë dhe muajin e kaluar ai mori një vaksinë përforcuese të ‘Sputnik Light’, versioni me një dozë. Ai tha gjithashtu se mori një version eksperimental të ‘Sputnik V’ disa ditë pasi mori vaksinën e tij përforcuese dhe u shpreh se ndihej mire, pasi nuk kishte asnjë efekt anësor. Instituti Gamaleya, ka thënë se vaksina duhet të jetë efikase kundër Omicron variant i COVID-19, ndaj njoftoi se menjëherë do të fillojë të punojë për ta përshtatur ndaj variantit të ri.
Rusia ishte vendi i parë në botë që autorizoi një vaksinë kundër koronavirusit , duke lancuar Sputnik V në gusht 2020. Megjithatë, Rusia ka numrin më të lartë të vdekjeve të konfirmuara nga pandemia në Evropë me mbi 281,000 viktima.
Por një raport i publikuar të premten nga agjencia shtetërore e statistikave, e cila përdor kritere më të gjera, doli në konkluzionin se numri i përgjithshëm i vdekjeve midis prillit 2020 dhe tetorit 2021 është mbi 537,000 pothuajse dyfishin e numrit zyrtar.
Pavarësisht kësaj situate, Putin ka argumentuar vazhdimisht se vaksinimet duhet të mbeten vullnetare. Ai theksoi të dielën se autoritetet ruse janë përpjekur të përdorin bindjen dhe jo presionin dhe kanë punuar për të larguar paragjykimet dhe mitet që nxisin frikën ndaj vaksinimit.
Discussion about this post