Presidenti rus Vladimir Putin ka uruar homologun e tij Emmanuel Macron për rizgjedhjen në krye të shtetit francez, ka thënë Moska. Sipas një deklarate nga Kremlini, Putin i uroi presidentit francez Macron sukses në “veprimtaritë shtetërore, si dhe shëndet të mirë dhe mirëqenie”.
Pas konfirmimit të fitores për një mandat tjetër në krye të Francës, Macron ka marrë urime të shumta nga liderët botërorë, ndërsa në listë është shtuar edhe shefi i Kremlinit.
Macron mundi kandidaten e ekstremit të djathtë Marine Le Pen me një diferencë të habitshme votash, duke u bërë presidenti i parë francez në detyrë në 20 vjet që rizgjidhet.
Putin dhe Macron kanë pasur vazhdimisht biseda për luftën në Ukrainë, pasi Rusia nisi pushtimin e paprovokuar dy muaj më parë. Takimi i tyre në Moskë tërhoqi jo pak vëmendje për shkak të largësisë së tyre në tavolinën e bisedimeve ku u shfaqën.
Discussion about this post