Moska është e gatshme të negociojë kushtet e dorëzimit me Kievin në lidhje me ofensivën e vazhdueshme ushtarake ruse që po zhvillohet aktualisht në Ukrainë, bëri me dije ditën e sotme sekretari i shtypit i Kremlinit, Dmitry Peskov, shkruan media ruse “Russia Today”.
Sipas tij, presidenti rus Vladimir Putin ka shprehur gatishmërinë e tij për t’u angazhuar në diskutime me homologun e tij ukrainas, me fokus në marrjen e një garancie të statusit neutral dhe premtimin për të mos pasur armë në territorin e tij.
Këto janë terma që, sipas Peskov, do të mundësonin arritjen e çmilitarizimit të Ukrainës dhe eliminimin e asaj që Rusia aktualisht e sheh si një kërcënim për sigurinë e shtetit dhe popullit të saj.
“Presidenti formuloi vizionin e tij për atë që ne do të prisnim nga Ukraina në mënyrë që të zgjidheshin të ashtuquajturat probleme të ‘vijës së kuqe’. Ky është status neutral dhe ky është një refuzim për të vendosur armë”.
Gjithashtu, sekretari i shtypit shtoi se Putini do të përcaktonte kohën e negociatave, por dha garanci se Rusia do të angazhohej vetëm “nëse udhëheqja e Ukrainës është e gatshme të flasë për këtë”.
“Operacioni ka qëllimet e veta, ato duhet të arrihen. Presidenti tha se të gjitha vendimet janë marrë dhe qëllimet do të arrihen”, vazhdoi Peskov, duke sugjeruar se, nëse Kievi do të pranonte të përmbushte kërkesat, sulmi aktual ushtarak ndaj Ukrainës mund të anulohej.
Në orët e hershme të mëngjesit të së enjtes, Putin nxiti një “operacion special” në Ukrainë, me qëllimin e supozuar të “sigurimit të paqes” në Republikat Popullore të shkëputura Donetsk dhe Lugansk në rajonin e Donbass.
Krerët e republikave kanë bërë pretendime ditët e fundit për sulme në territorin e tyre nga ushtria ukrainase.
Së fundmi, gjatë gjithë rrjedhës së ditës së sotme, operacioni është shndërruar në një sulm në shkallë të plotë, me aeroportet, bazat ushtarake dhe qytetet e Ukrainës, përfshirë kryeqytetin Kiev, të gjitha duke u dëmtuar nga sulmet ajrore në një përpjekje nga Rusia për të gjymtuar çdo përgjigje ushtarake ukrainase.
Discussion about this post