Kryetari në detyrë i bashkisë së Himarës, Jorgo Goro është marrë në pyetje për 3 orë në SPAK
Në deklaratën pas daljes nga Prokuroria e Posaçme, ai ka deklaruar se ka qenë në SPAK për të dhënë shpjegime, por pa përcaktuar se për çfarë konktretisht.
Kjo është hera e dytë që Goro paraqitet në SPAK.
Burime thonë se Jorgo Goro është pyetur rreth kallëzimit të kryebashkiakut të zgjedhur të Himarës, Fredi Belerit, ku po hetohen edhe ish-ministrja Olta Xhaçka dhe bashkëshorti i saj Artan Gaçi, që gjithashtu janë pyetur nga SPAK.
Në kallëzim pretendohet me tokën e privatizuar, që iu dha Gaçit për investitor strategjik, ishte me dokumente të falsifikuara.
Discussion about this post