Bashkia e Tiranës dhe institucionet në varësi të saj nuk i ndalojnë procedurat e dyshimta edhe pse shumë raporte shprehen me gjuhë të ashpër dhe tone kritike për tenderët në këtë institucion.
Sipas Agjencinë e Prokurimeve Publike, Agjencia e Parqeve dhe Rekreacionit ka hapur në datën 29 gusht 2023 garën për tenderin me objekt “Pyllëzimi me Akacie”. Gara është parashikuar të zgjas deri më datë 19 shtator. Ndërsa fituesi do të ketë mundësinë të vjel para deri në fund të vitit 2025.
Çdo vit Veliaj urdhëron blerjen e pemëve akacia, duke shpenzuar miliona lekë, pa llogaritur këtu edhe shumë pemë të tjera që blen për planin e tij të dështuar “Pyllin Orbital”.
Por, nga ana tjetër në Tiranë çdo ditë shohim që shtohen vetëm pallatet gjigande, duke shkatërruar dhe ato pak parqe që ndodhen nëpër lagje.
Po ku shkojnë tërë këto pemë që blihen?
Sepse edhe në vitet 2021 dhe 2021 Veliaj bleu akacie, po pa na treguar se ku i ka mbjellë.
Më datë 2 qershor 2021 Veliaj hapi garën për tenderi me objekt “Pyllëzimi me Akacie” me fond limit 13.9 milionë lekë. Pjesëmarrëse rezulton të kenë qenë dy operatorë ekonomikë, konkretisht bashkimi i operatorëve Naim 2020 & Diava Consulting me ofertën 13.9 milionë lekë dhe Xhepi shpk që ka paraqitur vlerën 11.7 milionë lekë.
Çuditërisht subjekti Xhepi shpk vetëm 2 ditë më pas ka vendosur të tërhiqet nga procedura. Kështu, fitues i kontratës është shpallur automatikisht edhe oferta më e lartë që ishte dhënë nga Naim 2020 & Diava Consulting shpk.
Kështu, për këto pemë ë Veliaj thotë se do na çlirojnë më shumë oksigjen, ai po iu merr frymën qytetarëve duke iu vjelur edhe qindarkën e fundit nga të ardhurat e tyre.
Ndërsa jemi sy e vesh se si do të zhvillohet ky tender dhe kush do jetë miku i radhës që do të gostitet i kërkojmë SPAK që të bëjë ndonjë kontroll ku shkojnë këto para. Iu kërkojmë institucioneve përgjegjëse të zgjohen dhe të kontrollojnë nëse vërtet blihen dhe mbillen këto akacie.
Lexo edhe: Tenderi pa garë, Veliaj hedh 280 MLN lekë në Përroin e Baldushkut
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post