Kreu i Partisë Demokratike, Lulzim Basha, me anë të një vidoje të postuar në facebook nga fjala e tij në parlament.
Ai thotë se Shqipëria nuk mund të mbetet peng i askujt dhe fati i shqiptarëve nuk mund të lidhet me fatin personal dhe politik të asnjë politikani, i majtë apo i djathtë qoftë.
Në video Basha i drejtohet kryeministrit Edi Rama duke i thënë shko në foltore dhe bëni “Trekëndëshin e Bermudës” me Berishën dhe Metën.
“E ke hallin ti tek Partia Demokratike?! Ke hall ti sesa demokratë mbledh unë?! Të ka marrë malli ty? Të ka marrë malli?!
Thuaj më ka marrë malli për Sali Berishën dhe për Ilir Metën, thuaje ta dëgjojnë të gjithë. Shko dhe ti në foltore zotëri, ose fillo foltoren tënde. Bëni “Trekëndëshin e Bermudës” edhe qani hallin bashkë të tre, në qoftë se i keni të njëjtat. Unë jam këtu për të qarë hallet e shqiptarëve, as të tuat, as të Sali Berishës, as të Ilir Metës” – tha Basha.
Kujtojmë se ditën e sotme ish-kryeministri Sali Berisha zhvilloi Foltoren në Lezhë, nga ku njoftoi se Kuvendi Kombëtar i PD do të mblidhet më 11 dhjetor.
