Bashkia Lezhë njofton se situata pas motit të keq që pushtoi vendin ditët e fundit është drejt normalizimit. Sipas njoftimit, gjatë 24 orëve të fundit, në zonat e ulëta dhe bregdetare ka pasur reshje me intensitet të ulët, kurse në zonat malore ka prezencë dëbore dhe ngrica nga ulja e temperaturave.
Në bashkitë Lezhë e Kurbin, niveli i ujërave në lumenj dhe sistemin kullues është në kuota normale, ku nuk ka sipërfaqe të tokave bujqësore me prezence uji.
Në bashkinë Mirditë, ka prezencë dëbore, kryesisht në njësitë Fani, Orosh, Selitë, Kaçinar dhe Kthellë, ku trashësia varion 0.5-30cm.
Rrugët rurale e bashkiake, janë të kalueshme, ku vetëm në Selitë, Orosh e Kthellë, kalueshmëria është me zinxhirë. Gjithashtu, mësohet se furnizimi me energji elektrike dhe ujë të pijshëm është normalizuar.
Discussion about this post