Mesfushori i Shqipërisë, Qazim Laçi kërkon surprizën e madhe në Champions League me Sparta Pragën. Skuadra çeke sfidon Interin, në një sfidë që pritet të jetë shumë e luftuar.
Laçi, në konferencën për shtyp, deklaroi se është një tifoz i Milanit dhe ky është një motiv shtesë për të kërkuar rezultat pozitiv ndaj Interit.
“Nuk kam folur me Asllanin. Ne jemi miq, por për 90 minuta do të jemi kundërshtarë. Nuk është e pamundur ndaj Interit. Unë preferoj Milanin para Interit. Jam një tifoz i Milanit dhe ky është motiv shtesë për t’i mposhtur ata.
Duhet të jemi të freskët mendërisht dhe fizikisht. Do të jetë e vështirë ndaj Interit, sepse ata janë një nga ekipet më të mira. I kanë shkuar afër fitimit të Ligës së Kampioneve. Na duhet diçka më shumë për të qenë në gjendje që t’i konkurrojmë”, u shpreh Laçi.
Discussion about this post