Një shqiptar u arrestua nga Policia Italiane teksa tentoi të vriste me kaçavidë një bashkëatdhetarin e tij. Nga raportimet mësohet se policia arrestoi 20-vjeçarin, i cili tentoi të vriste me një kaçavidë, një tjetër shqiptar. Ngjarja ndodhi në sheshin ‘McDonald’s’ në Alessandria, Itali, ndërsa policia u njoftua nga një kalimtar.
Akuza ndaj tij është e rëndë: Vrasje e mbetur në tentativë.
I arrestuari ka qëlluar të paktën shtatë herë në gjoks dhe kokë me kaçavidë bashkëatdhetarin pas një sherri për motive të dobëta që nisi mes të dyve.
Të dy jetojnë në qytet, por duket se janë të papunë.
Tashmë sulmuesi ndodhet në burg me kërkesë të Prokurorisë Publike në pritje të gjykimit.
Discussion about this post