Qëlloi me armë administratorin e shkollës në Tiranë, identifikohet autori

Policia ka identifikuar dhe shpallur në kërkim autorin e dyshuar që qëlloi në drejtim të pronarit të shkollës “Wilson”, Lulëzim Masha, në datën 18 janar në afërsi të Liqenit të Thatë në kryeqytet.

Sipas burimeve, janë kryer disa kontrolle për të zbuluar vendndodhjen e autorit në fjalë, por ai nuk është gjetur ende.  Identifikimi i tij u bë në sajë të disa kamerave sigurie, por edhe të dëshmisë së vetë biznesmenit.

Lulëzim Masha u rimor sërish në pyetje dhe bashkëpunoi me grupin hetimor. Biznesmeni ka treguar me detaje kërcënimet që ka pasur, ndërsa burime pranë policisë bëjnë me dije se ngjarja ka ndodhur për konflikte banale.