Një i ri shqiptar në Itali është vënë në pranga pasi qëlloi disa herë në ajër dhe më pas iu gjet një sasi kokaine. Mediat vendase bëjnë me dije se 27-vjeçari u arrestua rreth orës 05:00 të mëngjesit në Romë pas denoncimit se një makinë ishte parë duke ecur me dyer hapur. Pas kontrolleve, i riu u gjet pranë makinës ndërsa në rripin e pantallonave mbante armën e zjarrit.
Sipas të dhënave paraprake, rezulton se 27-vjeçari, i cili nuk ka precedent penalë, pasi kaloi mbrëmjen në shoqërinë e një vajze, e shoqëroi atë në shtëpi. Më pas ai e kishte marrë në telefon për t’u takuar sërish, por ajo kishte refuzuar.
Dhe në influencën e alkoolit ai nisi të qëllonte disa herë në ajër. Pas kontrollit në shtëpinë e tij u gjetën edhe disa gramë kokainë të ndarë në doza. Tashmë pritet që 27-vjeçari të dalë para gjykatës për të marrë dënimin ndërsa arma dhe lënda narkotike u sekuestruan.
Discussion about this post