Zbulohen detaje të reja lidhur me ngjarjen e mbrëmjes së të hënës ku një efektiv i forcës së posaçme ‘Shqiponja’ qëlloi me armë zjarri.
Burime thonë se efektivi i policisë i identifikuar si Adrian Meta, dyshohet se pas orarit të punës punonte si truprojë apo shoqërues.
Mbrëmjen e të hënës, personi që ruhej nga efektivi pati një debat me një qytetar. Ky i fundit thirri disa të njohur të tij dhe në këtë moment ndërhyri efektivi i policisë dhe qëlloi në ajër, duke terrorizuar banorët e zonës.
Teksa ka informacione se i riu është përfshirë edhe më herët në problematika të tilla, por çështjet janë mbyllur pa u publikuar. Ky rast është duke u ndjekur nga Agjencia e Mbikqyrjes Policore dhe Prokuroria e Tiranës.
Ky nuk është rasti i parë që efektivet e policise ‘Shqiponja’ përfshihen në ngjarje të tilla. 10 ditë më parë dy punonjës të kësaj strukture u përfshinë në një tjetër konflikt fizik, me një kolegun e tyre, i cili ushtron detyrën në Policinë e Vlorës.
Discussion about this post