Një 44-vjeçar është arrestuar nga Policia e Durrësit, pasi një ditë më parë ka qëlluar me armë zjarri në drejtim të banesës e personit të identifikuar me iniciale E. Sh., 29 vjeç, banues në Durrës, pa shkaktuar dëmtime.
Gjithashtu, gjatë një aksioni të fundit, Policia e Durrësit ka arrestuar edhe tre persona të tjerë, të cilët akuzohen për vepra të ndryshme penale.
Policia jep detaje se në pranga ka rënë personi i identifikuar me iniciale R. K., 24 vjeç, banues në Durrës, pasi është kapur nga shërbimet e Policisë, duke drejtuar mjetin, pa leje drejtimi; B. K., 29 vjeç, banues në Krujë, pasi duke drejtuar mjetin tip “Benz” është përplasur me motomjetin me drejtues shtetasin F. C., 46 vjeç, banues në Krujë. Si pasojë e përplasjes është dëmtuar personi F. C., i cili ndodhet nën kujdesin e mjekëve, në Spitalin e Traumës Tiranë.
