Lihet në burg 39-vjeçari nga Pogradeci, Spartak Çela, i cili u arrestua pas 4 vitesh në arrati dhe konsiderohet me rrezikshmëri të lartë shoqërore.
Gjykata e Korçës ka caktuar ndaj tij masën e sigurisë “arrest me burg”.
Ndaj Spartak Çelës rëndojnë katër akuza: “Vrasja me dashje e mbetur në tentativë,” “Vjedhje me armë,” “Prodhim, shitje dhe mbajtje pa leje e armëve, armëve shpërthyese dhe municioneve luftarake,” dhe “Kundërshtim i punonjësit të policisë.”
Çela kërkohej nga autoritetet pasi akuzohet se në një lokal në Velçan të Mokrës qëlloi me kallashnikov drejt disa personave.
Po ky shtetas, akuzohet se disa muaj më parë kërcënoi punonjësit e task-forcës së ndihmës ekonomike.
Në të dyja rastet, Çela ka qenë në kërkim nga policia, ndërkohë arrestimi tij është kryer në fshatin Velçan të Pogradecit, pasi nga burime operative është informuar që i shpalluri në kërkim u kthye në banesën e tij.
Discussion about this post