Qëlloi me pistoletë aktivistin e PD në Kavajë, Gjykata jep masën e sigurisë për Ndriçim Jonuzin dhe dy personat e tjerë të përfshirë në ngjarje.
Gjykata ka dhënë masën e sigurisë arrest me burg për Ndriçim Jonuzin, ndërsa ka dhënë masën arrest shtëpie për Dorian Troplinin dhe Markel Shtyllën.
Ndriçim Jonuzi, pas një konflikti të çastit plagosi me armë zjarri aktivistin e Partisë Demokratik, Bledar Okshtuni. Ky i fundit, u dërgua në spitalin e Durrësit, pasi u lëndua në këmbë. Sherri fillimisht sipas raportimeve, ka nisur nga dy persona Dorian Troplini dhe Marekl Shtylla, ku pas konfliktit fizik, ka degjeneruar deri në përdorimin e armës, nga ana e Jonuzit.
Për ngjarjen, reagim pati dhe nga kampet politike. Lulzim Basha ditën e ngjarjes u vendos menjëherë në Kavajë, ku dënoi aktin. Gjithashtu, një veprim të tillë bëri edhe Presidenti i Repbulikës Ilir Meta, i cili bëri thirrje prokurorisë dhe policisë të hetojnë çështjen.
