Qëlloi me plumb në kokë një egjiptian, arrestohet 19-vjeçari shqiptar

Një 19 vjeçar shqiptar ka rënë në prangat e policisë greke pasi ka qëlluar me armë një egjiptian.

Mediat shkruajnë se ngjarja ka ndodhur mbrëmjen e së hënës në Agio Panteleimona, ku një 25-vjeçar me origjinë nga Egjipti u qëllua me plumb në kokë në rrugën Kampani.

Sipas informacioneve, viktima ka rezistuar kur 19-vjeçari dhe bashkëpunëtorët e tij kanë tentuar ta grabisin dhe më pas ata e kanë qëlluar.

Sulmi ndaj egjiptianit ndodhi në orën 22:30 të së hënës mbrëma dhe në vendngjarje u gjetën 2 gëzhoja nga një pistoletë 9 mm.