Policia e Shkodrës ka identifikuar dy të rinjtë që qëlluan me armë drejt makinës së Alban Bruçajt. Sipas policisë, në kërkim janë shpallur Tornato Fusha, 20-vjeç dhe Bajram Cerkoja, 24-vjeç. Dy të rinjtë akuzohen për vrasje të mbetur në tentativë, pasi shënjestra mundi t’i shmangej plumbave. autorët qëlluan drejt mjetit tip “Audi”, që drejtohej nga 25-vjeçari Alban Bruçaj.
Sipas policisë, nga hetimet e kryera për këtë ngjarje, ka rezultuar se para 2 vitesh, Alban Bruçaj është konfliktuar për motive të dobëta me Tornato Fushën. Ky konflikt dyshohet të jetë motivi pse Tornato Fusha dhe Bajram Çerkoja qëlluan me armë zjarri, mbrëmjen e datës 25.08.2022, makinën e Alban Bruçajt.
Vijon puna nga ana e strukturave të Policisë për lokalizimin dhe kapjen e këtyre personave.
Materialet iu referuan Prokurorisë së Rrethit Gjyqësor Shkodër, për veprime të mëtejshme, për veprat penale “Vrasja me paramendim”, mbetur në tentativë, “Mbajtja pa leje e armëve dhe e municionit luftarak”, si dhe “Prishja e qetësisë publike”.
Discussion about this post