Policia e Korçës ka shpallur në kërkim dy persona, pasi mbrëmjen djeshme në Maliq gjatë një konflikti për motive të dobëta, dyshohet se kanë goditur me grushte dhe mjet prerës një 30-vjeçar, duke i shkaktuar dëmtime të lehta trupore.
“Specialistët për Hetimin e Krimeve në Komisariatin e Policisë Maliq, bënë shpalljen në kërkim për veprën penale “Plagosja e lehtë me dashje”, kryer në bashkëpunim dhe po punojnë për kapjen e shtetasve E. M., 26 vjeç dhe G. V., 24 vjeç, banues në Maliq, pasi këta shtetas mbrëmjen e djeshme në qytetin e Maliqit, gjatë një konflikti për motive të dobëta, dyshohet se kanë goditur me grushte dhe mjet prerës shtetasin Sh. H., 30 vjeç, banues në Maliq, duke i shkaktuar dëmtime të lehta trupore’, thuhet në njoftim.
Gjithashtu, është proceduar penalisht një 56-vjeçar, banues në Pogradec, pasi në lagjen nr. 1, Pogradec, u kap duke kryer punime pa leje.
Discussion about this post