Qendra e përbashkët e kërkim-shpëtimit, ministrat: Emergjencat nuk përballohen vetëm

Ministrat e Mbrojtjes, të Kosovës dhe Shqipërisë kanë prezantuar marrëveshjen për krijimin e një qendre të përbashkët të kërkim-shpëtimit.

“Reagimi i shpejtë për të mirën e populit, sidomos në kërkim-shpëtim. Ka ardhur koha të kemi 2 ushtri të forta. Edhe për shkak dhe pas agresionit rus në Ukrainë, e kuptojmë që rajoni jonë është i brishtë, ndaj e kuptojmë rolin që kemi për mbrojtjen e ruajtjes së integritretit territorial. Për këtë aryse kemi intensifikuar kontaktet. Sot kemi marrëveshje për kërkim shpëtimin malor dhe të ujërave territoriale. Duam të shkojmë drejt krijimit të një qendre të përbashkët të kërkim-shpëtimit. Kemi dhe ambicien për të zgjeruar marrëveshjen e bashkëpunimit dhe me vendet e tjera të Ballkanit Perëndimor sepse emergjencat nuk përballohen vetëm”, thanë ministrat.

19 do të jenë marrëveshjet që pritet të firmosen sot në Prishtinë në mbledhjen e përbashkët mes qeverive Shqipëri-Kosovë.

Marrëveshjet do të përfshijnë të gjitha çështjet, ndërkohë që hap shumë i rëndësishëm është firmosja e memorandumit të mirëkuptimit për hapat e mëtejshëm drejt bashkimit doganor.