Një qen pitbull ka sulmuar dhe kafshuar tre persona në Romë, përpara se policia ta qëllonte.
Ai ishte larguar nga një vilë në Tivoli dhe kishte sulmuar me tërbim kafshët dhe burrat.
Përpjekja e policisë për ta ndaluar me mjete rrethanore ishte e kotë, derisa ata vendosën ta qëllonin. Qeni ngrodhi pas disa orësh në një klinikë veterinare. Të plagosurit janë trajtuar në spital, me një periudhë shtatëditore për shërim.
Qeni kishte vrarë një mace, kishte sulmuar një 60-vjeçar dhe një 30-vjeçar (babë e bir duke u përpjekur të mbronin qenin e tyre të lidhur) dhe i kafshoi krahun një 70-vjeçari.
Të pranishmit e tjerë u përpoqën të fshiheshin pas portave dhe mureve të ulëta, pasi vrapuan sa më larg kafshës për t’i kërkuar ndihmë autoriteteve.
“Ai u shfaq papritur nga askund në një pasdite të qetë mes atyre që luanin, atyre që dolën për shëtitje dhe atyre që po përgatiteshin të ngarkonin makinën për fundjavë”, tha një dëshmitar, siç raporton gazeta Il Mattino.
Discussion about this post