Qentë e rrugës sulmojnë punonjësen e pastrimit

Qentë e rrugës vijojnë të mbeten problem në disa qytete të vendit, pasi shpesh ata formojnë kope duke u bërë kërcënim për qytetarët.

Nuk janë të pakta rastet kur nga qentë e rrugës sulmohen qytetarë.

Një rast i ngjashëm raportohet të ketë ndodhur në Peshkopi, ku një pastruese e qytetit është sulmuar nga qentë dhe ka marrë plagë të shumta në këmbë dhe në shpinë.

Ka qenë një qytetare dhe bashkëshorti i saj ata që e kanë ndihmuar zonjën dhe e kanë shoqëruar në spital, nga ku kanë ndarë dhe pamjet nga gjendja e zonjës.

Qytetarët thonë se qentë e rrugës janë kthyer në një problem të madh në Peshkopi.

Sipas tyre ky problem bëhet edhe më serioz tani që fillon shkolla dhe fëmijët s’kanë si të lëvizin nga frika.