Lajmi për emrin e vërtetë të këngëtares Beatrix Ramosaj bëri xhiron e rrjetin ditën e djeshme, pasi u raportua se në të vërtetë ajo quhej Behigje. Krahas nënës së artistet ka reaguar dhe vëllai i saj, Alban Ramosaj, i cili mes notave të ironisë dhe shakasë ka përgënjeshtruar këto lajme.
“Lajmi më i mirë deri më sot”, ka shkruar vëllai i artistes ndërsa ka postuar dhe një meme lidhur me këtë.
Ai gjithashtu ka ripostuar dhe reagime të tjera, një ndër to ai i kushërirës së tij, Anxhelina Hadergjonaj. Antigona Ramosaj publikoi foton e pasaportës së këngëtares, ku emri i saj shënohet si Beatrix, duke vënë pikat mbi i për çdo aludim lidhur me emrin e kësaj të fundit. Këngëtarja është vënë në qendër të vëmendjes nga publiku dhe mediat, kjo për shkak të eksperiencës së saj në shtëpinë e “Big Brother VIP” dhe romancës me Donaldin.
Discussion about this post