Sfida mes Portos dhe Aroucës në kampionatin portugez ka shkaktuar polemika të shumta, pasi skenat e ofruara kanë qenë vërtetë në kufijtë e qesharakes.
Kjo pasi arbitri akordoi 17 minuta shtesë, ndërkohë që ndeshja ishte me rezultatin 0-1 për miqtë dhe më pas një penallti në favor të Portos.
Por duke mos qenë i sigurt, shkoi të rishikojë aksionin në VAR. Aty pa që monitori ishte i fikur dhe iu deshtë fliste në telefon me kolegët e tij në sallën VAR, të cilët i konfirmuan se nuk ishte penallti.
Deri këtu nuk ka asgjë të keqe, pasi rregullorja e lejon diçka të tillë, por Ppsi ndryshoi vendimin, arbitri vijoi lojën, duke çuar shtesën në 22 minuta, teksa më vonë akordoi një tjetër penallti për Porton, e cila u shpërdorua. Gjithsesi në fund vendasit ia dolën të shënojnë golin e barazimit.
Për gjithë skenat që ndodhën, reagoi ashpër edhe klubi i Benficës, që kritikoi jo pak arbitrin kryesor dhe veçanërisht faktin që ai ishte gati të jepte shtesë pafund, derisa Porto të shmangte humbjen./SSA
Discussion about this post