Në shumë tender të institucioneve të cilat janë paraqitur me risk, shpeshherë na është dashur që të shohim kritere nga më të çuditshme për kompanitë garuese, me qëllim që tenderi të shkojë tek kompanitë klienteliste ose që janë miq të drejtuesve të institucioneve. E njëjta gjë ka ndodhur në një tender të Drejtorisë të Ujësjellësit të Tiranës.
Tenderi i hapur nga Ujësjellës Kanalizime Tiranë, mban numrin e referencës REF-16778-12-30-2021, për blerje maskash dhe dizinfektues në kuadër të masave për parandalimin e COVID-19. Ky tender ka pasurfondin limit prej 3.000.000 lekë të reja, ose rreth 30 milionë lekë të vjetra dhe në të kanë marrë pjesë 3 kompani, “Mega Plast ” sh.p.k., “Infosoft” sh.p.k dhe “C.C.S. Office” sh.p.k.
Fituese është shpallur kompania Infosoft” sh.p.k, ndërsa dy të tjerat janë skualifikuar. Arsyeja e skualifikimit të kompanisë “Mega Plast ” sh.p.k është përtej qesharakes. Në ankesën që ka mbërritur në pranë Entit Kontraktor dhe Komisionit të Prokurimit Publik, nga ana e kompanisë “Mega Plast ” sh.p.k, thuhet se është skualifikuar me arsyen nuk ka paraqitur bilancin dhe xhiron e vitit 2014. Ndërkohë, kompania në fjalë është themeluar 25.03.2015, vit për të cilin ka paraqitur edhe dokumente. Pra, kompanisë i është kërkuar që të paraqes bilancin e vitit që nuk ka ekzistuar.
Arsyen absurde të skualifikimit, e ka marrë parasysh edhe Komisionit të Prokurimit Publik, i cili e ka rrezuar vendimin dhe i ka dhënë të drejtë kompanisë “Mega Plast ” sh.p.k.
Por ajo që i ka shtyrë nismëtarët e këtij tenderi që të shkojnë në këtë arsye absurde për të skualifikuar “Mega Plast ” sh.p.k, mund të jetë arsyeja se ka paraqitur ofertën më të ulët nga dy kompanitë e tjera. Sipas dokumenteve, “Infosoft” sh.p.k. ka paraqitur ofertën 979,557 lekë të reja pa tvsh dhe është shpallur fituese, “C.C.S. Office” sh.p.k. ka paraqitur ofertën më të lartë prej 1,078,369 lekë të reja pa tvsh skualifikuar dhe “Mega Plast ” sh.p.k. ka paraqitur ofertën prej 968,580 lekë të reja dhe është skualifikuar.
Kjo metod të bën të mendosh që kompania fituese mund të ketë qenë e paracaktuar dhe oferta e shoqërisë “Mega Plast ” sh.p.k. u ka prishur “parashikimin”. Për këtë i vunë një arsye qesharake që tenderi të shkojë në “destinacionin” ku ishte nisur.
Gijotina.com
Discussion about this post