Vazhdon protesta e opozitës, e cila po mbahet njëkohësisht në 5 pika kryesore të Tiranës. Pas tensioneve të shumta fillimisht, policia ka arritur që të largojë disa qytetarë tek Sheshi Uillson. Thirrja e protestuesve është “Qeveri teknike!”
Efektivët kanë përdorur gaz lotsjellës dhe ujin me presion. Autoboti që ka shpërndarë ujë ka dëmtuar disa qytetarë.
Nga uji me presion është dëmtuar një protestues, që është marrë me barelë nga ambulanca, me qëllim që të marrë ndihmë mjekësore. Nga autoboti janë goditur edhe deputetët.
Sekretari i Përgjithshëm i Partisë së Lirisë, shprehet se “asnjë lule nuk u shkel nga protestuesit”.
Më tej ai ngre akuza ndaj policisë, ku thotë se në vend që të arrestojë banditët, ushtron dhunë ndaj qytetarëve.
“Do vijojmë protestën, është betejë pa kthim. Protestat sapo kanë filluar. E shikoni çfarë ndodhi. Asnjë lule nuk është shkulur, këputur nga protestuesit. E patë dhunë e policisë që nuk arreston banditët, por udhëton dhunë kriminale ndaj qytetarëve. Çfarë vepre penale kryem sot? Është tubim me leje”, tha ndër të tjera Blushi.
gijotina.com/
Discussion about this post